Ka National Grid Operator “Power System Operation Corporation Limited (POSOCO)” yong ka ri India ha ka 14 tarik uni u bnai da pynkylla pyrtuid ya ka kam ka “Grid Controller of India Limited”.
I daw wa pynkylla pyrtuid ya ka toh wow pyntikna ya ki Grid Operator wow em i krehlang, i chaniah, wow pynku ya i yoh i laa wei wow pynneh wa krehkaam ka Indian Electricity Grid.
Ka “Grid Controller of India Limited” daw pyntikna ko yei ya ka bordiñ wa paka. Batai ko leh ya i kaamram ki Grid Manager ha ka ri wei jar jiar ki thaaiñ, da ong u S. R. Narasimhan, Chairman & Managing Director, Grid Controller of India Limited.
Chooh chooh da ong u wa i pynkylla ya i pyrtuid pynyoo i kammon kreh ki wow pynmih bordiñ deiwa khooid.
Da ong u wa daw booddien ki wow kreh khnang wow man kawa pliah dooh ha ka ri wow pynku ya ka khayi pateiñ deiwa pyrkhat leh ya ka rymaw.
Ka Grid Controller of India Limited (Grid-India) kreh ko neibynta ka National Load Despatch Centre (NLDC) wa 5 tylli ki Regional Load Despatch Centres (RLDCs).
Ka Grid-India u man ko leh kawa ha khlieh dooh namo ka Nodal Agency wow wanrah yei kylla ha i rukom kreh wei wow pyntikna wa kreh ka Green Energy Open Access Portal, Renewable Energy Certificate (REC) Mechanism, ka bai pynpoi bordiñ, ka Deviation Settlement Mechanism, Power System Development Fund (PSDF) wa kiwi kiwi.
