U District Magistrate, West Jaiñtia Hills District da pynmih hukum u ynne ka sngi wow pynkylla ya ki kattu katni ki kyndon ka hukum wa pynmih ynnin ka 9 tarik hapoh ka Section 144 CrPC heiwa ki kyndon thymme man ki kamni ha wah:
Waroh ki khayi khappood wa kiwi ki ri ha Tamabil u man ki kiwa da phah pynsangeh.
Ki dukan, Restaurant wa ki Bar wa em ha West Jaiñtia Hills District u khang ki heipor 6:00 waje i miet.
Ka lawthymme, Lad Stadium, Ladthalaboh, Jowai/ lawmusiang Pohiaw/law Chor (CNI Market) Seiñ Raij Market lawmusiang, Jowai /law Chyiap (JPC Market) Chutwakhu, Jowai wa ki yaw wa pynman chisien chi tayaw ha Iawpynsin (Wahiajer), Iawmuchai (Shangpung), Iaw Raliang, Iaw Khanduli, Iaw Namdong, law Muksoo (Mowkaiaw), law Sahsniang wa Iawthymme (Saphai), u chah u wai ki nadooh ka 11-05-21 nadooh 8:00 waje i step hadooh 6:00 waje i miet.
Ki dukan wa dai ya ki mar wa emkaam wa ki dukan Hardware kiwa em ha Ummulong, lalong, Pasyih wa Phramer harood ka National Highway-6 (NH-44 warim) u chah u wai ki nadooh ka Monday hadooh Friday nadooh 8:00 waje i step hadooh 6:00 waje i miet. Ki CCMC u pyntikna ki wa da bood ya ki kyndon yada COVID-19 wei deiwa pynemkaam ya ki Odd/Even Number kam chibynta wow pynkrehkaam ya ka Social Distancing.
Ki kari kamai u kit ki 50% na iwa hoi u kit bru wei hap wow deiñ ya ki Face Mask. Kiwa leh pyrchah daw pynchitom ya ki.
Waroh ki thaw maneblai u man ki kiwa khang lait noh heipor wa pynkyntang bia deiwa chah du 20 ngut ki bru deiwa yoh bor chwa na u Deputy Commissioner lane na u Sub-Divisional Officer (Civil) Amlarem.
Ki kaam wa yatoh wa i pyndep ya ka niam wa khaddooh kiwa yap, u chah wow em du 20 ngut ki bru deiwa hap wow deiñ Face Mask. Ki yung wa em wa khlaad hap ki wow booh ya ka Register yow chim yei pyrtuid ki bru wa wan, i thaw sah ki, Phone Number wei wow booh yukheiñ katwon ngut ki bru wa wan.
Heiyatoh wa ki kaam wa jhan kam i chait i khiah, i lai thooh dawai (Medical Emergency) wa i lai na kawi ka District cha kawi yow kit ya ki mar wa emkaam, kiwa chong chnong ye ki wow yaleh ya ka ‘ePass’ naka website www.megedistrict.gov.in
Neiliang u District Magistrate da kyntu u ya ki paidbah wow yait na i lai i wan iwa ym emkaam hapoh ka chnong Jowai kamjooh yei lai cha ka nongbah Shillong.
