Ki Corona Care Centres (CCC) toh ki thaw wa da booh kyrpang daka sorkar Meghalaya neibynta wow pait wei wow sumaar ya kiwa suba wa yoh COVID-19 kamjooh kiwa yoh ya uni u khñiang. Da booh yaki leh wow yada nei poor kani ka khlam wei wow pynstiñ yaki yukit ki thaw sumaar kam ki Hospital wa kiwi ki thaw.
Ha ki thaw nongkyndong ki CHC wa PHC toh kiwa pait ya i chait i khiah tangwa lada jia wa em wa yoh COVID-19 emkaam wym toh u pynkhai yei kitkaam ki palat yei bor wa ye ki. Kamtæ da booh yaki CCC yow ye u yabhah ya kiwa chah ktah ha u COVID-19.
Ha Mawkyrwat, South West Khasi Hills yaka yung krehkaam ka Mini Secretariat Building kawa da jan dep chna kawa ym pu em pynemkaam da chim noh yaka daka District Administration yow pynman kam ka CCC.
Kamtæ hapoh kani da pynkhreh wei da booh 44 tylli ki thaw thiah deiwa yabhah katkam i chitom deiwa booh 6 tylli ki thaw thiah neibynta kiwa haap hapoh ka Category C (kiwa chitom joor kiwa emkaam wow yarap yow ye u riñ mynsien).
Da sikai leh yaki Centre Manager, Doctors wa kiwi ki wakreh yaki kyndon (Protocol) wa toh u leh ki katkam wa da booh daka H&FW Department.
Da pynkhreh leh kammon wow pynemkaam yaki kamra, i rukom e baam, iwa emkaam ki Doctor wa ki wakreh.
Ka DC ka District ka I. Laloo da ong ko wa hanla man ini i thaw wa da chna wow man kam i thaw sumaar chipor, ym em ieh ya iyi iyi leh yow pyntikna wa kiwa chah ktah u yoh ki yei sumaar wa i yarap wa paka hapoh kani ka CCC, deiwa pyntikna leh wa kani ka khlam ym poor ko wei wow yada yaki paidbah.
Discussion about this post