Ka DC ka East Khasi Hills da pynmih hukum ko yow pynthymme yei por wa wai ki dukan dai kiad hapoh waroh kawi ka District nadooh myntu ka 1 tarik deiwa pynkylla ya ka hukum wa da pynmih ha ka 18-02-22.
Waroh ki dukan dai kiad kam ki Wine Store u wai ki Monday hadooh Saturday nadooh 10:00 waje i step hadooh 8:00 waje i miet man-ka-tayaw (nachwa hadooh 9:00 waje i miet).
Kiwa leh ya ka Home Delivery u chah u leh ki nadooh 10:00 waje i step hadooh 09:00 waje i miet nadooh ka Monday hadooh Saturday man-ka-tayaw (nachwa hadooh 10:00 waje i miet).
Ki thaw wa chong dih kam ki Bar wa kiwi, u chah wow wai ki nadooh 1:00 waje i step hadooh 10:00 waje i miet man-ka-sngi (iwa neh khlem pynkylla).
Ki Bonded Warehouse u wai ki nadooh 10:00 waje i step hadooh 6:00 waje i miet Monday hadooh Saturday man-ka-tayaw (iwa neh khlem pynkylla).
Waroh ki Canteen u wai ki nadooh 10:00 waje i step hadooh 8:00 waje i miet Monday hadooh Saturday man-ka-tayaw (iwa neh khllem kylla).
Ki pata kiad u wai ki nadooh 10:00 waje i step hadooh 8:00 waje i miet nadooh Monday hadooh ka Saturday man-ka-tayaw (iwa neh khlem pynkylla).
