Ka yung krehkaam u SP ka West Jaiñtia Hills District da pyntip ko wa hadien wa dep pynman yaka yalang da u In-charge ka Jowai Traffic Branch wa u waheh chnong ka Mookyrdup deilang wa ki Executive Member ka chnong deiwa emlang u President ka Taxi Association Jowai da chim yei rai wow pynkylla yei psiah i mih ki kari chapoh ka chnong Mookyrdup, Jowai.
Da booh noh da ka One Way ha laad North Liberty School ya ki kari wa wan booh khynnah skur iwa mut wow psiah donhi cha Mookyrdup wei ym chah de wow mih na kani ka sarok yow lai cha Main Road ka Ladthadlaboh. Ki kari wa psiah neini hap ki wow lai lyngba u sarok ka Mookyrdup yow mih cha Mooralong, ye ki leh wow lai na u sarok lyngba ka yung krehkaam ka chnat Agriculture yow mih cha u sarok Jowai Polytechnic.
Ini toh du neibynta 7:00 waje i step hadooh 9:00 waje i step donhi nadooh ka Monday hadooh Friday wei ym krehkaam leh ha ki sngi wa yoh chuti ki skur.
Da booh leh ya le tylli ki No Entry ha ki sarok wow psiah cha Mookyrdup na u sarok wa lai cha Jowai Polytechnic wei ini man ko 7:30 i step hadooh 9:00 waje i step Monday hadooh Friday wei ym krehkaam ha ki sngi wa yoh chuti ki skur.
Discussion about this post