Jowai: Hadien wa joor i pynpoor ya ki khubor thok lyngba ki Forwarding Message ha u WhatsApp ha kini ki bnai wa dadep hadooh wa da dooh yei mynsien ki bru wa boon khamtam wa em ki khubor wa em ki bru wa rahbor ya ki khynnah, neiliang kiwa pynlai ya u WhatsApp da pynkylla biang ki ya u WhatsApp ya kiwa pynemkaam hapoh ka ri India.
Kamtæ da pynkylla yei rukom Forward Message deiwa pynduna ya katwon tylli ki Message wa ye u Forward cha kiwa boon ki bru yow pynduna yei pynpoor ya ki Message kiwa ye u man kiwa thok kamjooh leh u phah ya ki Message cha ki Group.
Ya kiwi kiwa pynemkaam ha pyrthai daw chah ya uwi u bru wow phah ya ki Forwarded Message cha ki 20 tylli ki Group katwa ha India won kawa boon dooh kiwa pynemkaam WhatsApp daw chah u Forward Message du cha ki 5 tylli ki Group.
Ha India daw pynwiar leh ya i Forward Button wa em harood ki Message yow pynduna leh yei joor i phah ya ki Forwarded Message.
Ya ini da leh neidaw wa ha u WhatsApp hadooh ki tre WhatsApp leh ymye ki wow thooh neiwon wa sdang ki Forwarded Message neibhah da chna wow man ko wow pynemkaam ki bru samen khlem pynwit ki tre wa chna ya u WhatsApp.
Discussion about this post