U SDO ka Amlarem Sub-Division da pyntip u wa ya ka hukum pynman Containment Area ya ka Shnongpdeng, Darrang, Kongwang, Lymba, Dawki wa Bakur kawa pynmih haka 13 tarik neidaw wa boon kiwa yoh ya u COVID-19 kamjooh ki bru kiwa yoh hadien wa Test tangwa katni hadien wa da ye u pyndep yei booddien ya kitu kiwa yachem pateiñ heiwa kattæ da duna i poor uni u khñiang.
Kamtæ da pynkylla ya ka hukum heiwa da chah wow kreh u khih ki bru du hapoh ka chnong Darrang, Dawki wa Bakur tangwa ym chah u mih ki bru kiwa em hapoh kini ki chnong cha kiwi ki chnong kamjooh ya kiwa na kiwi ki chnong wow psiah ki chapoh kini ki chnong wei yeini ye u pynkylla biang iwa chong ha ka Test Result wa leh da ka RT-PCR ya ki nonguna (Sample) wa chim ynnin ka 21 tarik.
Da pynbna leh wa ya ka hukum Containment neibynta ka Kongwang toh kawa da pyndam noh.
Ka hukum pynman Containment ya ka chnong Shnongpdeng wa Lymba u pteiñ hi ko hadooh wa chem wa i poor u khñiang da duna i.
Kani toh ka hukum wa da pynkrehkaam nadooh ka 21 tarik uni u bnai
