Ki pulit ka East Jaiñtia Hills ynne i step da pynbna ki wa da khang u lai waroh ki jait kari na i bynta wa chlai um u sarok NH-6 iwa da jia ha chnong Lumshnong wei ini i thaw leh man i iwa dadep chah ktah chwa ini wa dep.
Najrong wa uni u sarok toh uwa da sih chwa, i joor slap ha kini ki 24 kynta ym em yarap i heiwa ka thaaiñ Ratacherra da yoh ko hadooh 204mm u slap uwa daw pteiñ hadooh ka 20 tarik uni u bnai heiwa ka 17 wa 18 tarik da pynbna da ka Red Alert neibynta ka East Jaiñtia Hills.
Kamwa man kattæ da pynlait u lai ki kari heh kamjooh ki kari khian ha ini i bynta wa chlai um.
Kam wow pynkynmoo wa ka Joint Action Committee ki chnong kani ka thaaiñ leh da pynbna ko wow khang ya uni u sarok nadooh na Malidor hadooh Tongseng khlem da booh por iwa daw sdang nadooh ka 19 tarik uni u bnai.
Discussion about this post