Da pynlait mar T. 3 klur cha waroh ki Block Office ka jylla wow pynmiat ya ki: Conrad

U Montri Rangbah ka jylla, u Conrad K. Sangma ynne ka sngi da ong u wa ka sorkar kwah ko wow pynkylla ya i yoh ki laa ki paidbah ha ki thaaiñ palatsor kam wow pynchlur wei wow yarap ya ki Self Help Group (SHGs) wa ki seiñ ki warep namo ki Farmers Collectives ha waroh ka jylla. 

Ya ini da ong u ha ka SHG Mela deiwa emlang chirup u Montri ka chnat rep, u Bantiedor Lyngdoh ha Rapleng, Mawkynrew Block, East Khasi Hills, heiwa u Conrad da ong u wa ka sorkar sñiawthooh ko yei emkaam ya ki SHG wei kammon ye ki wow e yarap wei wow yoh myntoi ki paidbah khamtam ki seiñ kynthai. Da ong u leh wa lyngba ka National Rural Livelihood Mission (NRLM), da ye wow e yarap poisa cha ki hajar tylli ki SHG ha kini ki le snem wa dadep.

Da ong u wa waroh kiwa kreh ha ka NRLM ha ka jylla da kreh ki khlem chong dei thmu wow chakri ya ki paidbah. 

Ha kani ka SHG Mela, u Conrad wa u Banteidor da e ki leh ya ki Appreciation Certificate wa ka song poisa cha ki chnong kiwa chemphang wei kiwa da ye u wanrah ya i khih i kreh wa i burom hapoh ka Mawkynrew Block.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Da ekti leh ya ka poisa yarap cha ki 70 tylli ki Farmers Producers’ Group wa da sdang hapoh ka FOCUS (Farmers Collectivisation for Upscaling and Marketing System) kawa man ka thong krehkaam ka sorkar jylla. 

U Conrad da khana u leh wa ka sorkar da yaleh ko wow wanrah ya i kylla ha ka jylla ha kini ki le snem wa da lai heiwa iwi na kitæ ki kaam wa da leh toh ya ki sarok wa da chna ha kylleiñ. 

Ha kani ka sngi u Montri Rangbah da pynbna u leh wa ha waroh ki 46 tylli ki C&RD Block ha ka jylla daw pynkylla dur ya ki deiwa pyntikna wa ki Block wa em ha ki thaw palatsor daw ye bha ki wow kreh dei miat heiwa da pynlait mar T. 3 klur ya waroh ki Block Office wow pynmiat ya ki heiwa ki kreh u sdang ki na u snem wow wan. 

Ha kani ka sngi hapoh ka FOCUS, u Conrad da e u ya ki Cheque wa T. 48.55 lak cha ki 70 tylli ki Farmer Producer Group kiwa embynta da ki 971 tylli ki manyung. Ka Community Investment Fund (CIF) kawa T. 22.80 lak da e cha ki 8 tylli ki Village Organization heiwa daw myntoi ki 42 tylli ki SHG na ki 420 tylli ki manyung, ka T. 27 lak wa ka ram cha ki 19 tylli ki SHG.

Da wai leh ya ka Market Outlet ha Laitdiengsai hapoh ka Mawkynrew C&RD Block, ka kaam wa krehlang da ka MGNREGS, NRLM wa MBMA heiwa ha kani ka Outlet da pynyoorong ya ki tiar wa da chna da ki SHG.