Da pynlait paidbah ya ka kari ECHS Polyclinic

Hei sien wa nyngkong, ka Ex Servicemen Contributory Health Scheme (ECHS), Indian Army, HQ 101 Area, haka yalang wa da pynman ha Rhino Training Centre, Shillong da yoh ko kaweh lama ya ka kari ECHS Polyclinic neibynta ka chnong Tura ka wow pait yei chait i khiah ki chipai wa da chong-ngiah. 

Hawa klam ha kani ka sngi, u Montri Rangbah ka jylla, u Conrad K Sangma da ong u wa kani ka Mobile Polyclinic pynyoo ko i dak wow burom ya ki chipai wa yada ya ka ri waki paidbah. Da ong u wa hanla ini man iwa khian tangwa phah ko ya ka khubor wa khlan cha ka sorkar waka imlang sahlang wa em ko yow kyrchaan ya ki chipai. 

Da ong u wa ka Meghalaya wei khamtam ka Shillong da sñiaw ki yei em ki chipai hanla em i sñiawthooh bakla hapyrdi ki ar mamla tangwa emkaam wow pynkhlan yei yatoh ki paidbah wa ki chipai wei kani man ko ka dak wa miat wa da kreh chirup iwa daw ye u wanrah yei bha.  

U Conrad da pynbna u leh Rs. 5 lak na ka CMSDF cha ka ECHS. 

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

U Lieutenant General Sanjay Malik, General Office Commanding 101 Area da ong u wa ini i leh toh wow pynman ya ki chipai wa da chong-ngiah wow yoh ki i chait khamtam ya kiwa na ki 5 District ka ri-loom Garo.  

Ki sahep na ka Air Force, Police, ka chnat i chait i khiah leh da em ki ha kani ka sngi. 

Kani ka Polyclinic daw yarap ko u e yei sumaar, u e dawai wa kiwi de ki yarap wei ka ECHS Scheme toh kawa sdang na ka 01-04-2003 deiwa kyrchaan poisa ya ka da ka sorkar India. 

Hapoh kani ka Scheme, ki chipai wa da chong-ngiah wa kiwa chaniah ha ki ye ki u chah sumaar mynkna la ha ki thaw sumaar ki chipai wa kamjooh ha ki thaw sumaar ka sorkar wa ki yong ki bru samen næ kiwa da em pyrtuid waka ECHS.