Ka Music Video wa ar yong ka phlim “Khyllipmat ba Khatduh” wa thoh da u Michael Myrchiang, Director da pynlait paidbah yaka hei janmiet ka 18 tarik haka YouTube Channel yong ka Calm Entertainment daka Y.R. Mawlong, EAC Amlarem Civil Sub-Division kam ka kongsan hei emlang u E. Pohchen, In-charge Raliang Police Outpost kam u symbood kongsan wa kiwi haka yalang wa pynman ha Nongtalang Shnongpdeng Club, West Jaiñtia Hills District.
Ya kani ka Music Video “Khlempoi Pyrkhat” da ak da u Pyrkhat Pohchen waka Lana Jungai kiwa naka thaaiñ War Jaiñtia hi.
U Michael Myrchiang, Director kam uwi wada jooh chna phlim ong u wa lyngba ka Calm Entertainment em u i angnood wow pynku yei sap ak phlim ki khynroo khyllood ka thaaiñ War Jaiñtia.
Wei yooluti u lyngba i chimbynta kini ki tyngshop ki puron wa naka thaaiñ daw em chiboon kiwi won leh ki wow wan chakhmat, neibhah haka kaam ak phlim najrong wa kyntu kynrong yei sap, ha kini ki sngi ye ko leh u man kam ka laad e khih e kreh.
Heijooh i por kyrpaad u leh ya ki paidbah wow e ki i kyrchan wa pura yong ki wym wow booh kylla haki YouTube Channel yong ki.
Waroh kiwa e yei klam ha kani ka janmiet nadooh ka kongsan kamjooh u symbood kongsan da ban joor ki hajrong i man pyrchah aiñ wow chim (Copy) yei yong kiwi, wei ya ki bru wa leh pyrchah ye u ujor cha ki bor ka aiñ.
Ka Y.R. Mawlong yooluti ko wa waroh ki paidbah u bood ki yeiyi wada kyrpaad ki tre, kamwa ya kani da mantre u Michael uwa da pyntoh pynbiang nadong chadong, neiliang ki paidbah won emkaam u kyrchaan ki deiwa ‘Share’, ‘Like’ wei ‘Subscribe’.
