Da pynlait paidbah yei sur rwai wa da chna kyrpang ya ki warep

Ka Music Video wa pyrtuid  “I sniawngooh ia ki warep” wa thoh daka Lambha Daka Patlong da pynlait paidbah ynne ka sngi haka YouTube Channel Lambhapatlong da u Wailadmiki Shylla, MLA 2-Jowai Constituency.

Haka yalang tbian wa pynman ha Conference Hall ka Soil and Water Conservation, Jowai wada emlang ki waheh wasian, kiwa chah khut sñiawbha. Ka Lambhadaka da khana ko wa i poi pyrkhat yong ka u chna ya ini i sur toh hadien wa yoo ko ya uwi u warep wa wan dai ya ki mar rep ha yaw hapyrdi i slap i kjam wei da song ki kti ki kjat neidaw wa jhieh hanla kup Plastic leh, wei ya u jhoor won ym duna ya 16 ne 17 kilo da tyrwa u du hei dor T. 20 donhi.

Ini da pynman ya ka wow yoo wyrai wei pyrkhat, kamjooh da wan i kyntien haka wow thoh wei jhan ko su u poi yung ha katai ka sngi.

Neitæ hadien wa dep thoh leh khana ko wa da lai yachem ko markhmat wa ki warep yow tip chooh chooh yei kaam yong ki wei da chem ko wa ka kaam rep man sakhiat kawa eh.

Related posts

Ka Result Lucky Draw ka Rymbai Presbyterian Lower & Upper Primary School

November 3, 2025

I e khublei na ka Lumpyrtuh Secondary School Mihmyntdu deilang ka Result Lucky Draw

November 2, 2025

U President ka seiñ ki warep kawa tip kam ka Hills Farmers Union, WJH u Mutchwa Thabah da pynsñiaw u heiyatoh i eh wa kam ki warep maad ki nadooh u pynlai yaw kamjooh i dor i mur iwa da jooh pynsñiaw ki leh cha ka sorkar, wei neiliang u Acting Dolloi Elaka Sutnga, u Bankupar Sutnga leh hawa klam da e u ki kyntien sñiawngooh ya ki warep.

Neiliang u kongsan yong kani ka sngi u Wailadmiki Shylla hawa e yei klam ong u, “Yoo sakhiat kat nangmih ki sngi kiwa chong chnong nang jngai ki nei rep, wei ñiaar leh u em ki bei ki pa wa pynchlur ya ki khon wow lai puræ heiyatoh i rep i riang dei wow ong manda pyndep phi yow sikai næ pynyoo nongmuna kylla phi ya i, neibhah boonsien phah ki dei pyrkhat wa toh u kreh sorkar ki manda wan”.

Kamtæ booh u i kyntu ya kiwa chong chnong la ha sor næ palatsor wym wow yut nei rep tangwa manda dep yei puræ heiyatoh i rep toh u pynyoo nongmuna wa kammon u rep katkam wa yah ka juk yow ye u bha u pynmih yei mar rep, kamjooh yow pynduna i lut.

Neitæ heiyatoh wa kani ka Music Video wada pynlait ha kani ka sngi yooluti u wow pynchoh ko ya ki paidbah ka Ri-loom Jaiñtia wei u sñiawthooh ki yei kordor i rep i riang, najrong wow e iwa bha tam heiyatoh i rep i riang la neiliang ki paidbah kamjooh ka sorkar.