U Mission Director ka National Health Mission ha ka kyrwoh wa da phah, da pynche u ya ka Scheme Meghalaya ASHA Benefit Scheme (MABS) waka Meghalaya Maternity Benefit Scheme (MMBS) kiwa man ki Scheme ka sorkar Meghalaya kawa da wanrah ha u snem 2011-12. I thong ka MABS toh wow pynmiat pynbha yei rukom e chakri cha ka imlang sahlang.
Ka poisa kawa da pynlait da ka sorkar Meghalaya nadooh u snem mang tangka 2012-2013 man ko kamni ha wah:
- FY-2012-13- Rs. 7,80,25,750.00
- FY-2013-14- Nil
- FY-2014-15- Rs. 10,00,00,000.00
- FY-2015-16- Nil
- FY-2016-17- Nil
- FY-2017-18- Nil
- FY-2018-19- Nil
- FY-2019-20- Rs. 25,36,91,500.00
- FY-2020-21- Rs. 2,50,00,000.00
- FY-2021-22- Rs. 53,00,00,000.00
Neidaw wa duna poisa hadooh u 2018-2019 ka National Health Mission, Meghalaya ym ye ko wow su tista cha ki ASHA.
Heiyatoh wa ini wym ye u su, da pynman ya ka yalang ha u Naiynru 2021 hapyrdi ki heh sorkar wa ki Meghalaya ASHA Workers Union heiwa da yaklam bniah ya ini heiwa da rai wa ka Meghalaya ASHA Benefit Scheme (MABS) daw su noh yaka hei dur ka T. 2000 chi bnai kawa tip kam ka Fixed Monthly Incentive cha ki ASHA nadooh u Naitung (Apr) 2021.
Da rai leh wa yaka Meghalaya Maternity Benefit Shcme (MMBS) daw pyndam noh ka nadooh u Naitung (Apr) 2021 neidaw wa da em ka Scheme kawa sariem ya kani naka sorkar pyrdi kawa tip kam ka Pradhan Mantri Vandana Yojana (PMMVY) kawa da sdang nadooh u Duyatra (Jan) 2017.
Da rai leh wa ka poisa wa dang sah neibynta kini ki ar tylli ki Scheme daw su cha ki wakreh ASHA hadooh u Wisu (Mar) 2021.
Ka sorkar da pynlait ko T. 53 klur neibynta u snem mang tangka (Financial Year) 2021-22 yow su cha ki ASHA neibynta kini ki Scheme iwa man iwa boon dooh wa da pynlait da ka sorkar ha uwon uwon u snem nadooh wa em ka NHM neibynta ka MABS waka MMBS yow su lut ya kawa kawa dang sah hadooh u Wisu 2021.
Da pyntip leh wa ka sorkar da phah ko ya ka Sanction Letter cha ki Deputy Commissioner yong waroh ki District wa da pynlait ya ka poisa ha ka 29-03-22 heiwa ya kani ka chithi da phah leh cha ki DM&HO yow leh ki yeiwa emkaam.
Deiwa kyrchaan ya ka NHM, ka sorkar Meghalaya da wanrah ko ya ka ASHA & ASHA Facilitator Payment Mobile Application yow pynsuk yei rukom su cha ki ASHA wei yow ye u su heipor wa biang. Wei kani ka App daw yarap ko leh wow booddien yei kreh kamjooh yei rukom su.
Kani ka App toh kawa da sdang wow pynemkaam nyngkong ha Umling Block ka Ri-Bhoi District wei ki ASHA wa da pynemkaam ya kani ka App da em ki 471 ngut ha waroh kawi ka Ri-Bhoi District wei dadep wow su T. 29.90 lak iwa da ye u leh hapoh 5 sngi nadooh wa kam ki AHSA yeiwa da dep leh ki. Wei ini da pynduna ko yeiwa jooh chimpor 120-150 sngi cha ka 5 sngi donhi.
Puræ leh: Kular ka sorkar wow su noh ya ka tulop ki ASHA hadien wa mih lai paidbah
