Da pynlait u lat ya ka aiñ synchar chnong ka JHADC

Jowai : Katkam ka khubor wa yoh na u Deputy CEM ka JHADC u ma A. Andrew Shullai da pyntip u wa u lat ka jylla u V. Shanmuganathan ynne ka janmiet 23 tarik da booh u ya ka muhor yong oo yow pynman aiñ noh ya ka ‘Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong Bill 2015’ yong ka JHADC.

Ya kani ka bill hadien wa da dep mynjur ki MDC ka JHADC ya ki kyndon wa da phah kylla u lat deiwa pynman ya ka ‘Emergent Special Session’ ha kani ka 21 tarik uni u bnai da rah syndon ya ka ha kajooh hi ka sngi cha Shillong yow li booh ha ka District Council Affairs.

Kamtæ hadien wa poi ko ha kti u lat da hun u yei pynbait ka JHADC, da pyllait ya ka na oo deiwa mynjur u kylla aiñ noh ya ka ‘Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong Bill 2015.’ Da leh u yeini kamwa da kular u u e “Christmas Gift” ya ka aiñ cha ki paid ka Ri-Loom Jaiñtia.

Da pyntip u ma Shullai wa da pyndep ya waroh ki wa emkaam wei daw pynmih ya ka leh ha ka Official Meghalaya State Gazette chwa ka chuti Christmas.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U ma A. Andrew. Shullai da ong u wa sniawngooh u ya waroh kiwa kyrchan wei da yarap u pynman aiñ ya kani ka Bill wa kynthup ya u Chief Minister ka jylla u Dr. Mukul Sangma, ya waroh 7 ngut ki MLA na Ri-Loom Jaiñtia, Ki Synjuk ki Rangbah Chnong ka Ri-Loom Jaiñtia khamtam ya u lat ka jylla.