Ki bor sonteri ka da pynlait ki ya ki dur ki damok wa emkti wow siat yap ya ki 28 ngut ynnin ka sngi ha Pahalgam ka jylla Jammu and Kashmir.
Kini ki soo ngut ki damok toh ki dkhot ka The Resistance Front (TRF) da kam ko wa da leh ko ya ini i kaam, ka TRF toh ka seiñ kieñsuloi wa mih na ka Lashkar-e-Taiba kawa man ka seiñ wa kyrchaan da ka Pakistan.
Ha i dur da yoo ya ki damok Pakistan, u Suleman Shah uwa ha timun dooh wa u Terrorist Abu Talha wa yieñ ha tidiang dooh.
Ini i chah hiar thma kiwa wan uiñke suwari da jia i ynnin ha i thaw wa pawnaam bha yeiwa da tip kam ka Baisaran Meadow iwa jngai du kamwa 7 km na ka chnong Pahalgam.
Ynne neiliang u montri ki kaam yada ri, u Rajnath Singh da ong u wa kitu kiwa emkti ha ini i kaam daw yoh ki yei jubab weiwa ka sorkar da man ko kawa da pynkhreh.
Puræ Chooh: Yap 28 ngut ha Pahalgam wa kynthup ya uwa na Arunachal Pradesh
Discussion about this post