Ka chnat Finance (Pay Revision) Department ka jylla Meghalaya da pyntip ko wa kam chibynta i pynkrehkaam ya ka Fifth Meghalaya Pay Commission deiwa pynku ya ka tulop ki wakreh sorkar deiwa kheiñ nadooh u 2017 heiwa ya ka Arrear da su chi bhah chisien, ynnin da pyntip wa da pynlait leh ya ka bhah wa khaddooh kawa dang sah.
Kani ka Arrear kawa dang sah da man ko 22.5% wei da poi ko T. 114.08 klur neibynta ki wakreh sorkar, kiwa da lai Pension, kiwa hayung hasem yong kiwa ksoh ya ka Pension. Ka Arrear waroh toh kawa da kheiñ nadooh ka 01-01-17 hadooh 20-11-2017.
Deiwa pynlait ya kani ka Arrear daw yoh myntoi 56,000 ngut ki wakreh sorkar wa 28,000 ngut kiwa da lai Pension hapoh ka jylla.
