Ka Pnar Linguist, ka Company kawa pynkylla ya ka Bible chei ktien Pnar, da pynlait ko ya ka Baibyl Pnar (kawa dei ap donhi namo ka Pnar Audio Bible) kawa ye u phi u yoh na Google Playstore næ ye phi u Download na kani ka link- https://play.google.com/store/apps/details?id=com.pabt.kabaibylpnar.pnar kamjooh ye phi leh u thooh na Playstore deiwa thoh kamni “Ka Baibyl Pnar”.
Ya kani ka Bible da pynkylla na ka Greek Bible wa naka Hebrew Bible kamjooh deiwa yoh yarap na ki Bible wa da thooh hei ktien English yow suk u sñiawthooh.
I thmu yong kani ka Baibyl Pnar toh yow tip chooh chooh ki bru kiwa klam Pnar chaphang ka ktien u Blai deiwa yoh ki u ap hei ktien yong ki hi wei sa iwi thmu yong ka toh yow pynneh pynsah yei ktien Pnar yong i.
Kiwa pynkylla ya kani ka Bible cha ka ktien Pnar toh kiwa man dkhot Balang waphær waphær yong ki Balang kiwa em ha ri Jaiñtia nadooh kiwa na ka Balang Presbyterian, Balang U Blei, Balang U Khrist, Balang CNI wa ka Balang Catholic.
Kamwa man kattæ, ki kot ka Bible kiwa em ha kani ka Baibyl Pnar em ki 9 tylli wei katwa dang dep u leh ya ki Recording daw thap chooh ki ha kani ka App wei manda Update phi ya kani ka App daw yoh phi ya ki kot wa thymme.
Neibynta ki chnong ki thaw wa ki lok ki jor kiwa tlot Internet, ye ki u Download na kani ka Link (https://app.scriptoria.io/api/products/2215235b-a446-4d20-86b2-bc589d297dcc/files/published/apk)
Manda ap phi ya kani ka Baibyl Pnar, lada chem phi iwon iwon iwa bakla, lane i wym sñiawthooh, lane i wym che, ye phi u thoh ha ka Review Section yong ka Playstore lane thoh cha kani ka email [email protected].
Discussion about this post