Da pynlait ya ka CM Scholarship cha ki 98,751 ngut deilang ka Grant cha ki 50,000 ngut kiwa lai puræ

Kam chibynta ka lehkmen yei dap 8 snem ka srokar MDA ha ka yalang wa da e pyrtuid “Our Magnificent Meghalaya | Vision 2032” kawa da pynman ha P.A. Sangma Sports Complex, Tura da pynlait ya ki Scholarship, ki Grant wei da wai leh ya ki kaam pynroi.

Neiliang u Deputy Chief Minister, u Prestone Tynsong da ong u wa ynne ka sngi da man ko u moomær wa emkaam ya ka jylla deiwa pynkynmoo wa ka sorkar MDA da sdang ko yei luti ha ka 06-03-18 hei yahkhmat u Conrad K Sangma kam u Chief Minister.

Heipor wa sdang ya ka sorkar da ong u wa man ko kawa khor bha tangwa deiwa yahluti u Blai kynrad da ye wow pyndep la 8 snem.

Da ong u wa du ynne da saam ki Cheque wa dapoi ₹220 klur cha kiwa yoh myntoi.

Related posts

Da wai ya ka Digital Learning Centre ha District Library Jowai wei sdang leh yaka Book Fair wa ar sngi

March 6, 2026

Yoh ka chnong Jowai ya ka Digital Learning Centre ka wow yarap leh ya kiwa yakhun IAS

March 6, 2026

Kamtæ da khut u yei ya krehlang waroh nadooh kiwa chong chnong kamjooh ki seiñ wow e yei kyrchaan ya ki kaam pynroi wa da wanrah ka sorkar.

Neiliang u Montri Rangbah da pynlait u ya ka Chief Minister’s Scholarship Scheme neibynta yong u snem 2025–26, kawa dapoi ₹5 klur kawa daw myntoi ki 98,751 ngut ki khynnah ha kylleiñ ka jylla.

Da pynlait u leh ya ka Uniform Grant lyngba ka Direct Benefit Transfer kawa dapoi palat ₹3 klur cha ki 50,000 ngut ki khynnah skur.

U Conrad da wai u leh ya 101 tylli ki Community Hall kiwa da chna ha kylleiñ ka jylla hapoh ka Project for Community-Based Forest Management and Livelihood Improvement kawa da kyrchaan da ka Japan International Cooperation Agency (JICA) waka Chief Minister’s Special Development Fund. Da wai u leh ya 8 tylli ki Warehouse wa ki Common Facility Centres (CFCs) ha Garo Hills kiwa da chna hapoh ka CM Elevate.