Da pynlait ya ka kari kit jhep deilang ka Ambulance neibynta ka chnong Mynthlu-Krem Myrsiang

Ka MLA ka Sutnga Saipung, ka Santa Mary Shylla ynnin da wan ko wow pynlait paidbah ya ka Ambulance neibynta ka Elaka Sumer deilang wa ka kari kit jhep (Garbage Truck) neibynta ka chnong Samasi, Krem Myrsiang wa Mynthlu kiwa em ha East Jaiñtia Hills District.

Ya kani ka kari da pynyoh hapoh ka DMF Scheme 2024-25.

Da ya emlang leh ha kani ka sngi wa u DC ka East Jaiñtia Hills, u Shivansh Awasthi, u BDO ka Saipung C&RD Block, u Riwanki Pyrtuh, u MDC ka Sumer Constituency, u Krison Langstang, u Acting Sirdar ka Elaka Sumer, u Khmihlynti Manar deiwa sakhilang waroh ki waheh chnong wa ki khon ka Elaka hapoh ka Elaka Sumer heiwa ya ka yalang da pynman ha pchem ka Community Hall Samasi.

Da yoh yei klam na u Amnesty Salahe, Secretary chnong Samasi, na u waheh chnong ka Mynthlu, u Acting Sirdar, u MDC, u DC wa na ka MLA.