Ya ka kot ‘Meghalaya Boundary’ katkam ka North Eastern Areas (Reorganisation) Act, 1971 da pynlait paidbah ynne ka sngi da u VGK Kynta uwa man u Muktiar wa da rangbah, wei da emlang leh u David Laitphlang uwa man u President ka Shillong Press Club, u Monarch Shabong uwa man u President ka MEMA wa uwa pynmih ya kani ka kot, u Starfing Pdahkasiej uwa man uwa thoh khubor wa da rangbah ha ka jylla.
Ya kani ka kot wa da lum thup da u Starfing da kynthup lang wa ki pynbna (Notification) nadooh ki snem kiwa da rim, deilang wa iwa da yoh lyngba ka RTI yow tip rap bniah hajrong u pood u ang ka jylla Meghalaya.
Ya kani ka kot ye wow yoh na Ri Khasi Book Agency ha i dor wa T.500.
