ka Music Video kawa da e pyrtuid ‘Kular’ wa da pynmih da u Daïapherbha Lamare da pynlait paidbah ya ka haka 12 tarik uni u bnai heipor 7:00 waje i miet haka YouTube Channel Luti Ksiar Production.
Ya i sur kani ka Music Video da rwai da u Ram Suchiang waka Sunita Kyndait deiwa chimbynta ka Barilang Pyngrope wa u Sami Passah ha ka Music Video.
Da riñdur ya kani ka Music Video ha ki thaw wa pawnaam ka Elaka Narpuh kam ha Wah Lukha, Khaddum, Kchaaid Chympe, Sonapyrdi najrong kiwi kiwi ki thaw kam chibynta wow khriñ yaki paidbah cha kini ki thaw heijooh i por wow kyntu kynrong leh ya ki kaam uiñke suwari kiwa em haka thaaiñ Elaka Narpuh.
Da wan wow pynlait paidbah ya kani ka Music Video da ka Synta Shylla kawa na ka chnong Byndihati kawa da man kam kawi na ki kyrtong wow yakhun ya ka MLA 2023 na Sutnga-Saipung Constituency.
