Da pynlait ya ki 35 tylli ki syngkni ha Kaziranga

Kam chibynta wow pynneh ya ki sim ki doh, ka sorkar Assam da pynlait ko ya ki 35 tylli ki syngkni na ka Vulture Conservation Breeding Centre (VCBC) Rani cha Kaziranga, da pyntip u Chief Minister u Himanta Biswa Sarma ynnin ka 8 tarik.

Kini ki syngkni wa da pynlait ha Kaziranga National Park, kynthup ki ya ki 30 tylli ki White-Rumped Vulture wa 5 tylli ki Slender-Billed Vulture kiwa man ki sim wa em hei maa (Endangered).

U Himanta da ong u wa sñiawkmen u wow pyntip wa da pynlait ya kini ki syngkni na VCBC, Rani cha Kaziranga wei ini man i i sien wa ynru wei ka wow sahkynmoo neibhah wa kini ki sim man ki kiwa ye u yada na iwa sih.

Ini i pynlait ya kini ki sim toh hadien boon snem wa kreh wow sumaar wei wow pynroi ya ki deiwa pynkhai im biang ya ki ha ki khloo ki kjam.

Related posts

Chah kem ka kynthai kawa pynpoor yei Video hadooh wa pynkut uwi yei mynsien

January 21, 2026

Chah kem uwi u bru wa tooh ya ki patlun-poh ki kynthai

January 21, 2026

Kiwa kreh ha i pynneh ya ki khloo da kam ki wa ka Kaziranga man ko ka thaw wa miat bha wow pynlait ya ki neibhah wa ki syngkni man kiwa ye u im pyn-daki hi wei ye ki leh wow roi.