U Deputy Commissioner East Jaiñtia Hills District da pyntip paidbah u wa da dap palat 45 sngi nadooh wa chah ktah khaddooh ki sniang ya ka kjut African Swine Fever (ASF) Disease katkam ka bui na ka yung krehkaam u District Animal Husbandry and Veterinary Officer, East Jaiñtia Hills District, Khliehriat.
Da ong u leh wa katkam ka National Action Plan, da rai wow pynlait (De-contained) noh ya ki chnong na ki kyndon wow khang yei poor kani ka kjut wei kini ki chnong kynthup ki ya ka Synrang Shahkhain (Rymbai) wa ka Wapung Skur.
Chooh chooh wow yada na kani ka khlam African Swine Fever (ASF) Disease kini ki chnong toh u bood ki ya ki laad yada kam ki Bio-Containment, Bio-Security wa kiwi kiwa toh u leh kamwa da phah na ini wadep.
