Shillong: Deiwa pynkylla ya ka hukum wa da pynmih ha ka 18 tarik uni u bnai, ka District Magistrate, East Khasi Hills da pynlait namo da chah ko ya ki Bank wa kynthup ya ka State Bank of India Iewduh Branch, Meghalaya Rural Bank, Kotak Mahindra Bank, South Indian Bank, Oriental Bank of Commerce, HDFC Bank wa ICICI Bank wow wai ki.
Katkam ka hukum wa da pynmih ha ka 18 tarik da phah khang ya waroh ki dukan dukdoh nadooh na Motphran hadooh ha Bimola Point, na Motphran chadooh Stand Jeep wa MUDA Parking Lot (Upper Level) kawa em ha Garikhana.
Chooh chooh da chah leh wow wai ki bank kam ka Bank of India, Bandhan Bank, Corporation Bank wa Syndicate Bank kiwa em nadooh na Police Bazaar (Khyndai Lad lyngba ka Gold Cinema hadooh ha Umsohsun Road junction) wa GS Road (nadooh na Shani Mandir thadooh Bimola Point).
Kini ki Bank toh u bood ki ya ki kyndon wa da booh ka sorkar.
