Jowai: Ka Lumpyrtuh Secondary School Mihmyntdu ynnin ka 23 tarik da pynlait ko ya ki ticket khle nasib yong ka ha ka yalang wa tbian wa pynlai da u Chaiman ka Fete Committee u Riniewki Lyngdoh heiwa u Bright Star Chyrmang da man u kam u kongsan.
Kani ka khle nasib toh chibynta wow kyntu ya ka yarong poisa kani ka skur lyngba ka Fete ka wow man ha ka 9 wa 10 Khonchonglad, 2018.
Ha kani ka sngi da yoh yei klam na ka Head Teacher ka skur, ka Phinbha Sana, u Chairman ka SMC u Lamshwa Chyrmang i khana ka parom wa tbian yong ka skur da u waheh dong ka Lumpyrtuh u Abul Phawa uwa da khana ya ka luti wa da lai ka Lumpyrtuh Secondary School nadooh wa sdang ya ka ha u snem 2006 kam ka Upper Primary hadooh wa da pynku kyrdan ya ka cha ka Secondary School.
Neiliang won u Brightstar kam u kongsan uwa man leh u kyrtong monlang ka chnong Mihmyntdu wow yakhun ya ka election MDC na 17-Jowai North Constituency, da e u ka ngooh ka dem wow kyrpaad ya u Blai wow yah luti ya ki waheh ki wa da chynna jngai wa i stat i tip man i iwa kordor ha kani ka juk wa katni khamtam kiwa chah chitom u thwat luti neibynta ka Lumpyrtuh Secondary School hadooh wa man ko katni heiwa ki khon ka chnong yoh ki yei stat i tip.
Da e mynsien u leh ya ki wow pyntyllung ya ki kaam wow pyn yaryngkat kyrdan ya ka skur wa kiwi tawon kiwa em hapoh ka jylla deiwa e khublei leh ya kiwa kreh kamtam kiwa sikai yei chakri wa khlem sangeh yong ki.
I dor yong kawi ka ticket man ko T.30.
Ki prize yong uni u snem u man ki kamni:
1st Prize – Alto 800
2nd Prize – Scooty
3rd Prize – Led Tv
Ya ki ticket u pynkhle ha ka 10 Khonchonglad (Nov) ha Madan Wahriong, Lumpyrtuh, Mihmyntdu.
Discussion about this post