Jowai: Ynnin ka 24 tarik u MDC ka Jowai North, u Brightstar Chyrmang da pynlait paidbah u ya ki ticket khle nasib (Lucky Draw) yong ka Dorbar Dong Mookynphad, Mihmyntdu.
Kani ka khle nasib toh kam chi bynta wow yarap ya ka yarong poisa neibynta wow chna pyndep ya ka yung dorbar Community Hall wa ka yung skur.
Ha kani ka sngi da em ka yalang wa tbian hapoh yung dorbar heiwa da wan sakhi da kiwa chong chnong wa kynthup ya ki manbei manpa ki khon khynroo khyllood ka chnong wa chirup wa kiwa kitkaam waphær waphær.
U Brightstar uwa man leh kam u khon ka chnong hawa e yei klam da kyntu u ya ki khon ka dong u man ki kiwa yatylli neibynta u pynku ya ki kaam ki jaam wa khamtam ya ka yarong poisa neibhah kani ka dong dang emkaam ko chiboon i yarap.
Da kular u leh wa man u uwa smat wow e yarap ya ka dong wa ka chnong ha iwon iwon i bynta katwa joh i bor yong oo kam u MDC.
Ha kani ka yalang da pynlai da u Rangbah Dong, u K. Chylla, da yoh leh yei klam na u Secretary Dong, u D. Shylla, u Fete Secretary u S. Tyngkan, u Asst. Secretary u D. Rymbai, u khynroo S. Shylla wa kiwi kiwi.
Ya kani ka khle nasib daw pynkhle ha ka 5 Kmaichonglad (December) 2019 ha Madan Wahriong, Mihmyntdu.
Discussion about this post