U Deputy Commissioner (Supply), West Jaiñtia Hills da pyntip u wa da pynlait ya u khoo AAY wa PHH hapoh ka PMGKAY neibynta u Naisan 2021 cha waroh ki dukan Wholesale khnang wow ye u pynpoi cha ki dukan dai rachon namo ki Fair Price Shop hapoh ka District nadooh ka 13 hadooh 20 tarik uni u bnai.
U khoo PMGKAY Antyodaya Anna Yojna (AAY) daw saam mynkna 5 kilo chi khlieh chi bnai ha ki thaw sor wa kiwa em cha palat-sor (Rural & Urban Areas).
U khoo PMGKAY Priority HouseHold (PHH) leh daw saam mynkna 5 kilo chi khlieh chi bnai ha ki thaw sor wa palat-sor.
Heiyatoh wa ini neiliang u Deputy Commissioner (Supply) da phah u ya waroh ki dukan Fair Price Shop Dealers wow pyndep wow saam ya u khoo hapoh ka 30 tarik uni u bnai deiwa pynemkaam ya ki kor e-Pos ha ki Centre yong ki.
