U Sub-Divisional Officer (Supply) yong ka Amlarem Sub-Division da pynbna u wa ya u khoo wa haap hapoh ka PMGKAY Scheme uwa saam mynkna, da pynlait neibynta u Naiynru (June), 2021 cha waroh ki manyung kiwa haap hapoh ka NFSA (AAY wa PHH) hadooh ka 16 tarik yong uni u bnai June, 2021.
Ya u khoo PMGKAY AAY u saam mynkna 5 kilo chi khlieh.
Ya u khoo PMGKAY PHH u saam mynkna 5 kilo chi khlieh.
Lada em kiwon kiwon kiwa chim da ka poisa ne ki wym yoh ya utai u khoo namo i bhah yong ki, ye ki wow ujor cha ka yung krehkaam yong u SDO, (Supply) deiwa thoh che ya i pyrtuid wa ka chnong yong ki khnang wow ye u pynchitom ya kiwa leh pyrchah.
