U Deputy Commissioner (Supply), West Jaiñtia Hills da pyntip u wa ya u khoo rachon AAY, NFSA (PHH) wa Non-NFSA neibynta u bnai Duiatra (Jan), 2021, da pynlait cha waroh ki Wholesaler yow lai li booh cha waroh ki dukan Fair Price Shop nadooh ka 11 tarik hadooh ka 16 tarik uni u bnai.
Ya u khoo Antyodaya Anna Yojna (AAY) daw saam 35 Kg kawi ka AAY FI Card hei dor T. 3 chi kilo neibynta ki thaw wa em cha sor wa cha palatsor.
Ya u khoo Priority House Hold (PHH), u saam 5 Kg chi khlieh heidor T. 3 chi kilo neibynta ki thaw wa cha sor wa cha palatsor.
Ya u khoo Non-NFSA wow saam 7.215 Kg kawi ka manyung daw booh dor da ka Vigilance Committee iwa ym toh wow man palat T. 14 chi kilo ha ki thaw wa cha sor wa palatsor.
Hajrong ini, u Deputy Commissioner, Supply da phah u ya waroh kiwa pynlai ya ki dukan Fair Price Shop wow rah khlem pep ya ki Register wa ki Utilization Certificates (UC) kiwa dang sah heipor wa wan chim yaki Permit.
