Jowai: U Deputy Commissioner (Supply), West Jaiñtia Hills da pyntip u wa ya u khoo rachon AAY, PHH wa Non- NFSA neibynta u Khonchonglad (Nov) 2020 Quota da pynlait cha waroh ki Wholesaler yow li booh ki cha waroh ki FP Shop Center ka West Jaiñtia Hills District.
Ki tarik wa e yaki Permit cha ki Wholesale man ki kamni ha wah:
9th November, 2020- Jowai Wholesale Centre (S. Dkhar, E.N. Lamare & B.N. Lamare).
11th November 2020 -Jowai Wholesale Centre (J. Lyngdoh, Y. Kynjing & V. Toi).
12th November 2020 – Jowai Wholesale Centre (J. Rymbai, Hom Hinge & Heimon Hinge).
10th wa 11th November 2020- Ummulong Wholesale Center.
12th November 2020- Shangpung Wholesale Centre.
16th November 2020- Nartiang Wholesale Centre.
16th November 2020-Sahsniang Wholesale Centre
Ya u khoo Antyodaya Anna Yojna AAY u saam 35 Kg kawi ka AAY FI Card hei dor T.3 chi kilo neibynta ki thaw wa cha sor wa cha palatsor.
Ya u khoo Priority House Hold (PHH) u e 5 Kg chi khlieh hei dor T. 3 chi kilo neibynta ki thaw wa cha sor wa cha palatsor.
Ya u khoo Non-NFSA u e 7.215 Kg kawi ka manyung hei dor wow booh daka Vigilance Committee iwa ym toh wow palat T. 14 chi kilo neibynta ki thaw wa cha sor wa cha palatsor.
Kamtæ waroh ki Fair Price Shop Dealers da kyntu yaki wow wanrah ki yaki Register yong ki, wa kiwa dang sah ki Utilisation Certificates (UC) ha i por wa da booh heipor wa wan chim ki yaki Permit khlem pep.
