U Deputy Commissioner (Supply), West Jaiñtia Hills District, Jowai da pyntip u wa u khoo rachon Antyodaya Anna Yojna (AAY), Priority HouseHold (PHH) wa Non-NFSA neibynta uni u Naisan, 2021 da pynlait cha waroh ki Wholesaler yow li booh cha waroh ki dukan rachon (FP Shop Centre) nadooh ynne ka 5 tarik hadooh ka 10 tarik uni u bnai.
Ya u khoo Antyodaya Anna Yojna (AAY) daw saam 35 kg kawi ka AAY FI Card heidor T. 3 chi kilo cha ki thaw wa em cha sor wa cha palatsor.
Ya u khoo Priority HouseHold (PHH) daw saam 5 kg chi khlieh chi bnai heidor T. 3 neibynta ki thaw wa cha sor wa cha palatsor.
Ya u khoo Non-NFSA u saam 7.215 kg kawi ka manyung hei dor wa da booh da ka Vigilance Committee iwa ym toh u palat T. 14 chi kilo neibynta ki thaw wa em cha sor wa cha palatsor.
Hajrong ini, u Deputy Commissioner, Supply da phah u ya waroh ki Fair Price Shop Dealers wow wanrah ki ya ki Register yong ki wa ki Utilization Certificates (UC) kiwa dang sah heipor wa wan chim ya ki Permit khlem pep.
