U Deputy Commissioner (Supply), West Jaiñtia Hills District, Jowai da pyntip u wa ya u khoo rachon Antyodaya Anna Yojna (AAY), Priority Household (PHH) wa u Non-NFSA neibynta u Naiynñiaw, 2021 da pynlait cha waroh ki Wholesalers yow lai booh ki cha ki Fair Price Shop nadooh ka 02-07-21 hadooh ka 15-07-21.
Ya u khoo Antyodaya Anna Yojna (AAY) u saam 35 kg kawi ka AAY FI Card hei dor T. 3 chi kilo neibynta ki thaw wa cha sor wa palatsor.
Ya u khoo Priority HouseHold (PHH) u saam 5 kg chi khlieh chi bnai hei dor wa T. 3 neibynta ki thaw wa cha sor wa palatsor.
Ya u khoo Non-NFSA u saam 7.215 kg kawi ka manyung hei dor wa da booh da ka Vigilance Committee iwa ym toh wow tam T. 14 chi kilo neibynta ki thaw wa cha sor wa palatsor.
Hajrong ini, u Deputy Commissioner (Supply) da phah u ya ki dukan rachon wow pyndep ki wow saam ya u khoo hapoh ka 30 tarik uni u bnai deiwa pynemkaam da ki kor e-Pos.
