U Deputy Commissioner (Supply), West Jaiñtia Hills da pyntip u wa ya u khoo rachon AAY, PHH wa Non-NFSA neibynta u bnai Thohlakhmi (February), 2021 da pynlait cha waroh ki Wholesaler yow li booh ki cha waroh ki dukan dai rachon namo ki FP Shop Center nadooh ka 4 tarik uni u bnai hadooh ka 16 tarik uni u bnai.
Ya u khoo Antyodaya Anna Yojna (AAY) daw saam 35 Kg kawi ka AAY FI Card hei dor T. 3 chi kilo neibynta kiwa cha sor wa cha palatsor.
Ya u khoo Priority Household (PHH) daw e 5 Kg chi khlieh hei dor T. 3 chi kilo neibynta ki thaw wa cha sor wa cha palatsor.
Ya u khoo Non-NFSA u saam 7.215 Kg kawi ka manyung hei dor wa da booh daka Vigilance Committee iwa ym toh u palat T. 14 chi Kg neibynta ki thaw wa cha sor wa palatsor.
Heiyatoh wa ini, u Deputy Commissioner, Supply da phah u ya waroh ki dukan Fair Price Shop Dealers wow wanrah yaka Register wa ki Utilization Certificates (UC) kiwa dang sah heipor wa wan chim ki yaki Permit khlem pep.
