U Deputy Commissioner (Supply), West Jaiñtia Hills District, Jowai da pyntip u wa ya u khoo rachon Antyodaya Anna Yojna (AAY), Priority HouseHold (PHH) wa Non-NFSA da pynlait neibynta uni u bnai Wisu (March), 2021 cha waroh ki Wholesaler yow li booh ki cha waroh ki dukan rachon namo ki FP Shop Centre nadooh ka 4 tarik hadooh ka 16 tarik uni u bnai.
Ya u khoo Antyodaya Anna Yojna (AAY) u saam 35 kg kawi ka AAY FI Card hei dor wa T. 3 chi kilo neibynta ki thaw wa em cha sor wa cha palat sor.
Ya u khoo Priority HouseHold (PHH) u saam 5 kg chi khlieh chi bnai hei dor wa T. 3 neibynta ki thaw wa em cha sor wa cha palat sor.
Ya u khoo Non-NFSA u saam 7.215 kg kawi ka manyung hei dor wa daw booh daka Vigilance Committee iwa ym toh wow palat T. 13 chi kilo neibynta ki thaw wa em cha sor wa cha palat sor.
Heiyatoh wa ini, u Deputy Commissioner, Supply da phah u ya waroh ki dukan Fair Price Shop Dealers wow wanrah ki yaka Register wa kiwa dang sah ki Utilization Certificates (UC) ha i por wa wan chim ya ki Permit khlem pep.
