U Deputy Commissioner (Supply), West Jaiñtia Hills da pyntip u wa ya u khoo NFSA (AAY wa PHH) wa u Non-NFSA deilang wa u AAY wa PHH hapoh ka PMGKAY da pynlait neibynta u Wisu (Mar), 2022 cha waroh ki Wholesaler yow lai booh cha ki dukan dai rachon namo ki FP Shop Centre nadooh ka 4 tarik uni u bnai hadooh ka 15 tarik uni hi u bnai.
Ya u khoo Antyodaya Anna Yojna (AAY) daw saam 35 kilo kawi ka AAY FI Card hei dor wa T. 3 chi kilo neibynta ki thaw wa em cha sor wa cha palatsor.
Ya u khoo Priority Household (PHH) daw saam 5 kilo chi khlieh hei dor wa T. 3 chi kilo neibynta ki thaw wa em cha sor wa cha palatsor.
Ya u khoo Non-NFSA daw saam 7.215 chi kilo kawi ka manyung hei dor wa daw booh da ka Vigilance Committee i wym toh u tam i T. 14 chi kilo neibynta ki thaw wa em cha sor wa cha palatsor.
U Deputy Commissioner (Supply) da phah u leh ya waroh ki dukan rachon wow pyndep ki wow saam ya u khoo RRGA Fortified Rice hapoh ka 30 tarik uni u bnai deiwa pynemkaam da ka Online Transaction e-Pos ha jar jiar ki dukan khlem pep.
