U Deputy Commissioner (Supply), West Jaiñtia Hills da pyntip paidbah u wa ya u khoo Rachon NFSA (AAY wa PHH) wa u Non-NFSA neibynta u Duyatra (Jan), 2023 da pynlait cha waroh ki Wholesaler yow lai booh cha ki dukan rachon namo ki Fair Price Shop nadooh ka 8 tarik uni u bnai hadooh ka 15 tarik uni hi u bnai.
Ya u khoo Antyodaya Anna Yojna (AAY) daw saam mynkna 35 Kg kawi ka AAY FI Card ha ki thaw wa em cha sor wa cha palatsor.
Ya u khoo Priority Household (PHH) daw saam mynkna 5 Kg chi khlieh ha waroh ki thaw wa cha sor wa cha palatsor.
Ya u khoo Non-NFSA u saam 7.215 Kg kawi ka manyung hei dor wa booh da ka Vigilance Committee i wym toh u palat T. 14 chi kilo neibynta ki thaw wa em cha sor wa cha palatsor.
U Deputy Commissioner (Supply) da phah u ya waroh ki dukan Fair Price Shop wow wan thooh ya ki Permit na ka yung krehkaam u Deputy Commissioner (Supply) wei wow pyndep yei saam ya u khoo hapoh ka 10-03-23 deiwa pynemkaam da ka Online Transaction e-Pos ha jar jiar ki dukan khlem pep.
