U Deputy Commissioner (Supply), West Jaiñtia Hills da pyntip u wa ya u khoo rachon NFSA (AAY wa PHH) wa u Non-NFSA deilang wa u AAY wa PHH hapoh ka PMGKAY neibynta uni u Naichiphaw, 2021 da dep pynlait cha waroh kiwa dai Wholesale yow lai booh ki cha waroh ki dukan dai rachon nadooh ka 4 tarik uni u bnai hadooh ka 15 tarik uni hi u bnai.
Ya u khoo Antyodaya Anna Yojna (AAY) daw saam 35 Kg kawi ka AAY FI Card hei dor T. 3 chi kilo neibynta ki thaw wa em cha sor wa cha palatsor.
Ya u khoo Priority Household (PHH) u saam 5 Kg chi khlieh hei dor wa T. 3 chi Kg neibynta ki thaw wa cha sor wa palat sor.
Ya u khoo Non-NFSA u saam 7.215 Kg kawi ka manyung hei dor wa daw booh da ka Vigilance Committee wym toh u tam T. 14 chi Kg neibynta ki thaw wa cha sor wa cha palatsor.
Ya u khoo PMGKAY Antyodaya Anna Yojna (AAY) daw saam 5 Kg chi khlieh chi bnai dei mynkna neibynta ki thaw wa cha sor wa cha palatsor.
Ya u khoo PMGKAY Priority HouseHold (PHH) u saam 5 Kg chi khlieh chi bnai dei mynkna neibynta ki thaw wa cha sor wa cha palatsor.
Hajrong ini, u Deputy Commissioner (Supply) da phah u ya waroh ki dukan dai rachon wow pyndep yei saam khoo hapoh ka 30 tarik uni u bnai deiwa pynemkaam ya ki kor e-Pos ha ki dukan khlem pep.
