U Deputy Commissioner (Supply), West Jaiñtia Hills da pyntip u wa ya u khoo rachon NFSA (AAY wa PHH) wa u Non-NFSA neibynta uni bnai Wisu (Mar), 2023 da pynlait cha waroh ki Wholesaler yow lai booh cha ki dukan saam khoo rachon namo ki Fair Price Shop nadooh ka 13 tarik hadooh ka 17 tarik uni u bnai.
Ya u khoo Antyodaya Anna Yojna (AAY) daw saam 35 kg kawi ka AAY FI Card dei mynkna cha waroh kiwa em ha sor wa cha palatsor.
Ya u khoo Priority Household (PHH) daw saam 5 kg chi khlieh dei mynkna neibynta ki thaw wa em cha sor wa cha palatsor.
Ya u khoo Non-NFSA daw saam 7.215 Kg kawi ka manyung hei dor wa daw booh da ka Vigilance Committee i wym toh u palat T. 14 chi kilo neibynta kiwa em cha sor wa cha palat sor.
Neiliang u Deputy Commissioner (Supply) da phah u ya waroh ki Fair Price Shop Dealer wow wan chim ki ya ka Permit na yung krehkaam u Deputy Commissioner (Supply) wei wow pyndep u saam ya u khoo hapoh ka 10-04-23 deiwa leh da ka Online Transaction lyngba ka kor e-Pos khlem pep.
