Jowai: U Deputy Commissioner (Supply), West Jaiñtia Hills da pyntip u wa u khoo wa u chana (Foodgrain and Chana Whole) hapoh ka Atma Nirbhar Bharat Scheme for migrant/ labourers wa ki Non PDS Beneficiaries namo u khoo wa u chana neibynta kitu kiwa khih mylla kiwa na baar wa ya kitu kiwa ym em yoh myntoi naka PDS da pynlait neibynta ki ar bnai.
Ya uni u khoo wa u chana da pynlait neibynta u May wa June, 2020 lyngba u Wholesaler u Heimon Hinge yow li booh u cha waroh ki dukan Fair Price Shop nadooh ka 19th June hadooh 30th June, 2020.
Ya u khoo neibynta kiwa na baar jylla daw saam mynkna 5 Kg chi khlieh neibynta ki 2 bnai kamjooh ya u Chana u saam mynkna 1kg kawi ka manyung neibynta ki 2 bnai.
Ya u khoo neibynta kitu kiwa ym em yoh myntoi naka PDS namo ki Non PDS Beneficiaries daw saam mynkna 5 Kg chi khlieh neibynta ki 2 bnai, kamjooh u Chana leh u saam mynkna 1 Kg kawi ka manyung neibynta ki 2 bnai.
