Ka Music Video wa e pyrtuid “Ka Rai” naka phlim Johkhe wa pynmih daka Sai Iei Sap Production da pynlait paidbah yaka ynne ka sngi haka YouTube channel yong ka Sai Iei Sap Production & Entertainment.
Ha kani ka Music Video da ak da u Dao Toi waka Richwa Suchiang wei da riñ dur da u Kiki Garod wei da rwai hei ktien Pnar wa i ktien Khynriam.
Da wan wow wai ya kani ka Music Video da u MLA ka Jowai, u Wailadmiki Shylla haka yalang tbian wa pynman ha Infinity Conference Hall Jowai wa pynlai da u Ribeit O Pde.
Neiliang u Wailadmiki hawa klam da kyntu u ya waroh kiwa embynta u lai ki chakhmat wei wow pynemkam hok yei sap. Heijooh i por leh u chim yei beiñ i kynnoh kiwi kam ka laad u ye u pynpliah chooh chooh yei kaam, neibhah haki paidbah em bait wei beiñ wei kiwa yaroh.
Da e nongmuna u pyn ya oo hi leh kam uwa mihkhmat wa hakhmat ki paidbah yoh u pyn-arjait deiwa chah beiñ wei chah yaroh.
