Sa san sngi donhi chwa u sdang ka 2nd North East Olympic Games 2022, kawa daw pynman ha Shillong, ynne da pynlait yei sur rwai namo ka Anthem kani ka lympung iwa daw tem ha waroh ki thaw wa pynman ya ki yakob yow sahkynmoo ya kani ka lympung da ini i sur.
Ini i rwai toh iwa da e pyrtuid “Play” iwa da chna da ka dhab tem ka jylla wa tip kam ka Summersalt deiwa ya krehlang wa kiwi kiwa tem wa put ka jylla North East iwa da rwai hei ktien English deiwa khlehlang wa 6 tylli kiwi ki jait ktien.
U kongsan hawa pynlait ya ini i rwai toh u Commissioner and Secretary ka sorkar Meghalaya, u Dr. Vijay Kumar D, IAS deiwa emlang ka East Khasi Hills Deputy Commissioner, ka Isawanda Laloo wa u Superintendent of Police ka East Khasi Hills, u Sylvester Nongtnger.
Ya ini i sur da pynlait paidbah ha Khyndailad heiwa da tem leh yei sur yow pynsñiaw ya ki paidbah wei da pynwyrngiai deiwa mihlang ki Flash Mob wa kiwa chaad Bboys.
Da pynman leh ya ka Motorbike Rally nadooh na Khyndailad kawa da rah leh yei wyrta wow man kiwa yatylli.
