Shillong: Ka sngi wa san wa da pynman ya ki yalehke ka Meghalaya Baby League 2019 da man ko kawa chongchit heiwa da pynman waroh 44 tylli ki yalehke ha Shillong, Smit wa Mawngap.
Ha Shillong, ka JNS Jaguars da jop ko ya ar tylli ki yalehke pyrchah yaka Mawlai Raptors, kawa jop won ka wi ka yalehke wei ka wi ka yalehke da kut ko khlem em wa jop. Hapyrdi ka Onsides Gibbons waka Touchline NE Cubs da man ko kamwa jooh, heiwa ka Gibbons da jop ko ar tylli ki yalehke katwa ka Cubs da jop ko chisien wei ka wi ka yalehke da kut ko khlem em wa jop.
Hapyrdi ka Shillong Lajong Cayotes waka Unified Gorkha Gators, da jop ki mar arsien.
Ki yalehke hapyrdi ka Langsning Greenergy Lions waka Kickstart FCC Rhinos da sdang deiwa kut ka yalehke 2-2 haka kyrdan U-7, katwa ha ki yalehke wa bood, ka Greenergy Lions da jop ko ha waroh ki le tylli ki yalehke wa bood.
Ki yalehke wa khadooh da pynman hapyrdi ka Titan Otters waka Mawkhar Roosters heiwa ka Titan Otters da jop ko le sien katwa ka Mawkhar Roosters da jop ki haka kyrdan U-12.
Ha Smit, ki Laitkor Flamingos waka Wahlakhiat Bulls da kut ka yalehke ka U-7 da 3-3, katwa ha ki yalehke wa bood, ka Bulls da jop ki arsien katwa ka Flamingos da jop ko chisien.
Ki Smit Grassroots Zebras da jop ki le sien yaka Mawryngkneng Goldfinches, katwa ka yalehke haka U-11 da kut ko 3-3. Hadien ini, ka Deni Linda Pumas da sdang ki deiwa jop haka U-7 katwa kiwa yaleh pyrchah wa ki ki Mawlatbah Hawks da jop ki ya ki le tylli ki yalehke wa sah.
Ha Mawngap, ka Lawmei Leopards waka Upper Shillong Colts da jop ki mar arsien; ki Little Kickers Ferrets da jop ki ha waroh soo tylli ki yalehke pyrchah yaka Marbisu Phoenix; katwa ka Rangdajied United Eagles da jop ki le sien pyrchah yaka Nongtrai Cheetahs, katwa ka yalehke U-9 da kut ko khlem em wa jop.
Discussion about this post