U DC ka West Jaiñtia Hills District da pyntip u wa neidaw wa em kiwa yoh COVID-19 ha Mudop wa Dong Iaw ka chnong Nartiang wei da em leh kitu kiwa em hei maa wow yoh ya uni u khñiang wei da emkaam wow booddien ya kitu kiwa yachem wa kiwa yoh ya uni u khñiang kamjooh kiwa yachem pateiñ, u leh ya ka Quarantine, ki Test, u phah chong kset wa kiwi de ki kaam wa emkaam yow yada nei poor ka khlam.
Kamtæ u DC da pynmih hukum u ynne ka sngi yow pynman Containment Area ya ka Dong Mudop wa Dong Iaw ka chnong Nartiang chisyndon hadooh wa pynmih hukum da kamwi.
Waroh kiwa em hapoh ka Containment Area wow neh bait ki hapoh yung, ym toh wow mih cha lait wei kiwa em cha baar ym toh wow psiah ki chapoh ka Containment Area.
Ym chah wow pynman ya kiwon kiwon ki yalang paidbah, u wai ya ki dukan, kamjooh ki yung krehkaam sorkar wa ki yong ki bru samen u man ki kiwa khang chi syndon.
Ki kari wa lai luti na kini ki dong ym em khang ya ki tangwa ym chah wow sangeh ki hapoh ki bynta wa man Containment Area.
U Incident Commander u man u kam u Supervising Officer kini ki thaw wa da pynman Containment Area.
Kani ka hukum ym em khang ko ya kitu kiwa kreh ha ki kaam wa yatoh wa i chait i khiah, ki wakreh u DC ka WJH, Jowai, ki heh sorkar, ki wakreh ha ki kaam wym hoi u dam, ki laad pathai khubor wa kiwa li booh ya ki tadong LPG.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
