U Sub-Divisional Officer (Civil) Amlarem Sub-Division, Amlarem da pynmih hukum wow pynbna ya ki thaw wa em hapoh ka Upper Bakur wa Dong Iew Bakur kiwa em ha ka chnong Bakur wow man ki kam ki Containment Area yow khang yei lai i wan ki bru na iwi i yung cha iwi nadooh pyrdi synyaw ka 14 tarik uni u bnai hadooh wa pynmih hukum da kamwi.
Ya kani ka hukum da pynmih neidaw wa ku kiwa dang yoh COVID-19 ha ki thaw wa em hapoh ka Upper Bakur wa Dong lew Bakur heiwa hadien wa leh yei booddien kamjooh i Test paidbah ha ka 14 tarik uni u bnai da chem wa kiwa chah ktah (Positivity Rate) ha u khñiang da em ki palat 20%.
Kamtæ da khang yei lai i wan hapoh ka Containment Area wei kiwa em hapoh kini ki thaw toh u neh bait ki hapoh yung.
Ym chah wow pynman ya kiwon kiwon ki yalang paidbah, ki dukan waroh toh u man ki kiwa khang chisyndon.
I thied ya ki marbaam wa emkaam wa ki dawai dachin toh daw yarap da ka yung krehkaam u Sub Divisional Officer (Supply) Amlarem.
Waroh ki yung krehkaam sorkar leh u man ki kiwa khang kamjooh yong ki bru samen kiwa em hapoh kini ki Containment Area hadooh wa pynmih hukum da kamwi.
Ki kari wa lai luti na kini ki thaw ym toh u sangeh ki hapoh ki thaw wa man Containment Area.
U Incident Commander uwa man leh kam u Sub Divisional Officer (C) u man u kam u Supervising Officer kini ki thaw wa da pynbna kam ki Containment Area.
Kani ka hukum ym krehkaam ko ya ki wakreh ha i chait i khiah, ki wakreh ka Supply Branch ka yung krehkaam u Sub-Divisional Officer (Supply) Amlarem wa kiwi ki wakreh sorkar kiwa leh wow pynbiang ya iwa emkaam, ki laad pathai khubor, ki Petrol Pump wa kiwa libooh LPG.
Ki pulit toh u sonteri ki ya ini i thaw yow pyntikna wa da bood ya ka hukum.
Da pyntip leh wa ya ka hukum Containment daw pyndam lada yoo wa duna kiwa yoh COVID-19 kajooh manda hiar ka Positivity Rate wei yei booddien daw leh da ka Dawki PHC hapoh ki Containment Area.
Lada em kiwon kiwon kiwa tyngkheiñ ya ka hukum daw chah pynchitom ki katkam ka aiñ Disaster Management Act, 2005 wa IPC.
