Neidaw wa em 3 ngut kiwa yoh COVID-19 ha i thaw wa pynkreh ya ka Ganol Hydel Project kawa haap hapoh ka Babadam PHC wa 13 ngut won ha i thaw sah ki wakreh yaka sarok NH-51 kawa em ha Wakkolnangree kawa haap hapoh ka Kherapara PHC kiwa waroh ar toh kiwa em ha West Garo Hills District.
Neiliang u District Magistrate ka West Garo Hills da pynmih hukum u ynne ka 8 tarik yow pynbna u ya kini ki ar tylli ki thaw yow man ki kam ki Containment Zone.
Da khang ya kiwon kiwon wow psiah lane wow mih na kini ki thaw wei kiwa em hapoh kini ki thaw wow neh bait ki hapoh i thaw wa em ki.
Da khang leh wow pynman ya kiwon kiwon ki yalang paidbah, u wai ya ki duna wei wow pynman ya kiwon kiwon ki kaam khayi pateiñ. Waroh ki yung krehkaam sorkar wa ki yong ki bru samen wa em ha kini ki thaw u man ki kiwa khang.
Ya kiwa leh pyrchah daw pynchitom ya ki katkam ka aiñ Disaster Management Act, 2005 wa IPC.
Hadooh ynne ka sngi kiwa dang chah ktah ha u COVID-19 ha West Garo Hills da em ki 235 ngut heiwa ynne ka sngi da em 58 ngut kiwa dang yoh katkam wa pyntip u DC.
