Ka District Magistrate ka East Khasi Hills ynne ka 18 tarik da pynmih hukum ko yow pynbna ya waroh ka chnong Madan Mawser waka chnong Phanniewlah Neng kiwa em hapoh ka Mawphlang C&RD Block wow man ki kam ki Containment Zone yow khang yei psiah wei mih khlem da yoh bor cha kini ki ki chnong.
Ya kani ka hukum da pynmih hadien wa da yoh yutip na u Incident Commander uwa man leh kam u BDO ka Mawphlang C&RD Block deilang wa u Medical Officer In-charge ka Mawphlang CHC wa da ku bha kiwa yoh ya u khñiang COVID-19 ha kini ki chnong kiwa haap hapoh ka Mawphlang Zone heiwa da em 25 ngut kiwa dang chah ktah ha uni u khñiang.
Kamtæ da emkaam wow kdoh wow khoom yei poor uni u khñiang deiwa lai na iwi i yung cha iwi yow thooh ya ki bru wa em ya i da ki chin wa chitom kamjooh wow booddien ya kitu kiwa yachem wa kiwa yoh ya uni u khñiang.
Kamtæ da khang wow pynman ya kiwon kiwon kiwon ki yalang paidbah, wow wai ya ki dukan wei waroh ki yung krehkaam sorkar wa ki yong ki bru samen u man ki kiwa khang hadooh wa pynmih hukum da kamwi.
