Hadien wa em wa yoh COVID-19 kamjooh wa em kiwa em hei maa wow yoh ya uni u khñiang hapoh ka chnong Thadialong, West Jaiñtia Hills District, neiliang u District Magistrate da pynbna u ya kani ka chnong kam ka Micro Containment Area nadooh ynne ka 1 tarik.
Ka hukum da khang ko ya kiwon kiwon wow psiah u mih cha kani ka Containment Area wei kiwa em hapoh kani ka thaw wow neh bait ki hapoh yung.
Ym chah wow pynman ya kiwon kiwon ki yalang paidbah, ki yalang niam wa ki kaam khayi pateiñ. Waroh ki dukan, ki yung krehkaam sorkar wa ki yong ki bru u man ki kiwa khang chisyndon hadooh wa pynmih hukum da kamwi.
Waroh ki kari kiwa wan na baar kiwa lai luti ym khang ya ki tangwa ym toh wow sngeh ki hapoh ka Containment Area.
U Incident Commander u man u kam u Supervising Officer kani ka thaw wa pynman Containment Area.
Kani ka hukum ym krehkaam ko ya kitu kiwa kreh ha ki kaam sumaar sukhær, ki bru wakreh u Deputy Commissioner, West Jaiñtia Hills District, Jowai wa kiwi ki heh wa ki wakreh ka sorkar kiwa leh ya ki kaam wym hoi u dam (Essential Services), ki laad pathai khubor wa kiwa li booh tadong LPG.
Kiwon kiwon kiwa leh pyrchah ya ka hukum daw pynchitom katkam ka aiñ Disaster Management Act, 2005 wa IPC.
