Neidaw wa em kiwa yoh COVID-19 kamjooh kiwa em hei maa wow yoh ya uni u khñiang neidaw wa yachem wa kiwa yoh ya uni u khñiang kamjooh kiwa yachem pateiñ ha Shangpung Moolibang wa Shangpung Mission. Neiliang u District Magistrate, West Jaiñtia Hills District da pynmih hukum u ynne ka sngi yow pynbna ya kini ki ar chnong kam ki Micro Containment Area.
Ka hukum da khang ko ya kiwon kiwon wow psiah chapoh kini ki thaw wa pynman Containment wei ya kiwa em hapoh kini ki thaw wow neh bait ki hapoh yung.
Ym chah wow pynman ya kiwon kiwon ki yalang paidbah, ki kaam khayi pateiñ wei waroh ki jait dukan u man ki kiwa khang chisyndon.
Waroh ki yung krehkaam sorkar wa ki yong ki bru samen kiwa em hapoh kini ki Containment Area u man ki kiwa khang hadooh wa pynmih hukum da kamwi.
Ki kari wa lai luti lyngba kini ki Containment Area ym toh u sangeh ki chiteiñ luti.
U Incident Commander u man u kam u Supervising Officer kini ki thaw wa da pynman Containment Area.
Kani ka hukum ym krehkaam ko ya ki bru wakreh ha ki kaam summar sukhær, ki wakreh u Deputy Commissioner, West Jaintia Hills District, Jowai wa kiwi ki chnat sorkar kiwa leh ya ki kaam wa emkaaam ki wym hoi u dam (Essential Services), ki laad pathai khubor wa ki wakreh libooh tadong LPG.
Kiwon kiwon kiwa tyngkheiñ ya ka hukum daw chah pynchitom ki katkam ka aiñ Disaster Management Act, 2005 wa IPC.
