U District Magistrate, West Jaiñtia Hills ha ka hukum wa pynmih ynne ka 1 tarik da pynbna Micro Containmenr Area u yei yung ka Experience Suting hadooh i yung ka Cruchiel Suting wa em ha i dong Pohskur wa nadooh i yung ka Iarli Mukhim hadooh i yung ka Lovely Suting wa em ha i dong Khliehchem ka chnong Mookyndur hadooh wa pynmih hukum da kamwi.
Ya kani ka hukum da pynmih neidaw wa em kiwa yoh COVID-19 kamjooh kiwa em hei maa wow yoh ya uni u khñiang wei yow yei u leh yei booddien, i leh Test, i phah leh Quarantine wa kiwi kiwa emkaam yow khang yei poor ka khlam.
Kamtæ ka hukum da khang ko ya kiwon kiwon ki bru wow psiah u mih cha ki thaw wa pynman Containment Area wei kiwa em hapoh kini ki thaw wow neh bait ki hapoh yung.
Ym chah wow pynman ya kiwon kiwon ki yalang paidbah, ki yalang niam, i pynman ya ki kaam khayi pateiñ, wei waroh ki dukan wa ki yung krehkaam sorkar wa ki yong ki bru samen u man ki kiwa khang ha kini ki thaw.
Ym em khang ya ki kari wa lai luti na kini ki thaw tangwa ym toh wow sangeh ki hapoh ki bynta wa da pynman Containment Area.
Ka hukum ym em khang ko ya yei lai i wan ki bru wakreh hei chait i khiah, ki bru wakreh u DC wa kiwi ki heh sorkar kamjooh ki wakreh sorkar kiwa leh ya ki kaam wym hoi u dam, ki laad pathai khubor wa kiwa li booh tadong LPG.
Lada em kiwa leh pyrchah ya ka hukum, ye ki wow chah pynchitom katkam ka aiñ Disaster Management Act, 2005 wa IPC.
