Da pynman ya i bichaar jied ya ki wow jop Sub-title yong ka Miss Jowai

Jowai: Ka Diza’s Socio & Sport Club chirup wa i ya krehlang waka District Administration haka2 tarik u Naichiphaw daw pynman ko ya ka yakop Miss Jowai 2018-2019 ha Mynthong District Library Auditorium, kam chibynta wow pynmih poisa ya ka skur Little Angels Secondary School Moosalyngkat Jowai.

Kamtæ chwa ini, ha kani ka 15 tarik uni u bnai da pynman chwa yei bichaar wow jied Sub-tittle yong ka Miss Jowai wa kynthup ya ka Miss Talented, Miss Congeniality, Perfect 10 waka Miss Photogenic ha Hall ka Little Angles School heiwa da yakhun 16 ngut ki khyllood kiwa yaleh wow jop yei naam Miss Jowai.

Yei jied Miss Talented da bichaar katkam i sap wa em ha kiwa chimbynta wei da em kiwa pynyoo yei sap rwai, i chad, i chna ya ki tiar ki tar, i chet i tu wa kiwi kiwi.

Yei jied Miss Congeniality da leh ar jait, iwi toh deiwa ya thap Vote para wa ya chimbynta tangwa wym hoi u Vote pyn yaki hi, wa ar won i deiwa jubab yeiwa da kylli ya ki.

Yei jied Miss Photogenic da bichar naki dur wa da dep chon chwa ha ki thaw waphær waphær.

Ya kiwi kiwa jop daw pynbna ha ka sngi wa pynman ya ka Miss Jowai.

Related posts

Wan pynyoo ki khyllood ka Jaiñtia Hills yei sap ha ka Audition Miss Universe Meghalaya wa Miss Teen Meghalaya wa pynman ha Jowai

March 10, 2026

Deilang ka yalehbol hapyrdi ka liang u Wailadmiki Shylla wa u Kyrmen Shylla ha ka Fete ka Mukhla Raij LP School | Daw em leh ka Bumper Housie kawa Rs. 6 lak

March 9, 2026